На врвот на табелата и понатаму е истиот поредок:

1. EUROSPORT, Куманово
2. YOUNG TEAM, Струга
3. ARSIMI, Гостивар
4. (три екипи ја делат петтата позиција) BIDŽO (Куманово), BUTEL 2017 (Скопје) и FK BELASICA (Струмица)

Интересен детал за оваа недела е тоа што само 8 екипи се „самостојни“ на своите позиции, додека преостанатите 20 се распоредени така што делат позиции на табелата.

На четвртото место се наоѓаат 3 екипи со по 40 бодови, а на деветтото – 6 екипи со по 25 бодови. Слична е ситуацијата и на 15. позиција, која ја делат пет екипи со по 20 бодови.

И на самиот крај на табелата има „гужва“ – на 22. место повторно се наоѓаат 6 екипи, кои во оваа сезона имаат по 10 AFT бодови.

Со надеж дека во наредните недели ќе има повеќе турнири и промени за кои ќе известуваме, ви го оставаме ОВОЈ ЛИНК, за и самите да можете да проверите.

ГЕНЕРАЦИЈА 2015
Ниту тука нема промени на врвот на табелата, како што можете да видите:

1. (две екипи го делат самиот врв) BOREC JUNIOR, Велес и PARK CITY, Скопје
2. FORCA, Скопје
3. (четвртата позиција ја делат три екипи) EVROFUDBAL, Охрид; YOUNG TEAM и FK PELISTER, Битола

Сепак, благодарение на турнирот што веќе го споменавме, сега на ранг-листата на оваа генерација имаме вкупно 32 екипи.

Екипата FC KARADZOV (Скопје), на своето AFT деби, ги освои првите 5 AFT бодови во Куманово.

FK BIDŽO на истиот турнир освои уште еден бод и сега има вкупно 11 бодови оваа сезона. Победникот на турнирот, FK EUROSPORT (Куманово), заедно со шампионскиот пехар, освои и 10 AFT бодови, па сега на своето конто има вкупно 40.

Ова се единствените промени на табелата во оваа генерација, а бидејќи се случија во средината на неделата, дури ни индикаторите не ги забележаа. Затоа, вие бидете „со остро око“ и на ОВОЈ ЛИНК проверете дали има некоја промена што ние не сме ја забележале.

ГЕНЕРАЦИЈА 2016
Генерацијата на малечките фудбалери помлади од 9 години не беше активна на турнирите овој викенд, па (самим тим) ништо не се промени на врвот на табелата:

1. AF ALEXANDRO, Скопје
2. ULTRAS KIDS, Струга
3. ŠF GROZDANOSKI, Скопје
4. YOUNG TEAM, Струга
5. FORCA, Скопје

Дваесет и шест екипи ја сочинуваат ранг-листата на оваа генерација, а интересен податок за оваа недела е тоа што дури 11 од нив доаѓаат од Скопје.

Исто така, моментално екипите од Скопје се наоѓаат и на првата и на последната позиција на табелата. Затоа ги повикуваме сите останати екипи и им поставуваме мал „AFT предизвик“ – да се обидат да ја променат оваа ситуација.

Дали некоја екипа надвор од Скопје ќе успее да го исполни овој предизвик, останува заедно да проверуваме на ОВОЈ ЛИНК.

ГЕНЕРАЦИЈА 2017

Позициите на табелата не се менуваа, па врвот и понатаму изгледа вака:

1. YOUNG TEAM, Струга
2. AERODROM, Скопје
3. AZZURI KIDS, Радовиш
4. FORCA, Скопје
5. EDEN NA EDEN, Могила

На ранг-листата на оваа генерација се наоѓаат 35 екипи, а наместо интересен податок, за оваа недела ви подготвивме уште еден „предизвик“. Пронајдете три екипи кои во своето име го имаат зборот „KIDS“.

За да ви ја олесниме потрагата, ви го оставаме ОВОЈ ЛИНК, па – повелете!

ГЕНЕРАЦИЈА 2018
Нема промени во поредокот, нема промени ниту во освоените бодови. Но, постојат промени што можеме заедно да ги иницираме.

Имено, AFT ги повикува организаторите на зимските лиги да ги направат тие лиги и натпреварувања уште поинтересни и предлага на крајот од лигата да организираат завршен турнир, на кој би се одредил победникот на натпреварувањето, а кој истовремено би бил вклучен и во AFT календарот на турнири.

Овој предлог потекна токму од Северна Македонија – од AF ALEXANDRO, па се надеваме дека ќе наиде на добар одзив.

Што се однесува до самата генерација, поредокот на врвот на табелата изгледа вака:

1. FK VODNO, Скопје
2. MONDANO, Скопје
3. FER PLEJ, Охрид
4. (оваа позиција ја делат 2 екипи) FORCA, Скопје и PARTIZAN FUDBAL KIDS, Скопје

Дваесет и пет екипи и следната недела ќе ве очекуваат на ОВОЈ ЛИНК, а ние веруваме дека, доколку заживее идејата за која зборувавме, овој број може брзо да се зголеми.

ГЕНЕРАЦИЈА 2019
Немаше турнири, немаше ниту промени на врвот:

1. EUROSPORT, Куманово
2. YOUNG TEAM, Струга
3. NEGOTINO
4. BIDŽO, Куманово
5. PARTIZAN FUDBAL KIDS, Скопје

Дваесет и четирите екипи кои се наоѓаат на оваа ранг-листа кријат една интересна информација – сите тие заедно освоиле 11 медали, а тоа го постигнале на само 4 турнири.

На вас ви оставаме да откриете за кои турнири станува збор. Тоа е третиот „предизвик“ за оваа недела.

За да ви ја олесниме „потрагата“, ви го оставаме ОВОЈ ЛИНК и веруваме дека нема да ви треба многу време за да откриете за кои турнири станува збор.

ГЕНЕРАЦИЈА 2020
Сè уште е „надвор од радарот“. Ниту една екипа нема забележано AFT бодови, ниту пак имало турнири на кои би можеле да ги освојат.

Останува да видиме дали работите ќе се променат до крајот на сезоната или ќе ја почекаме следната, за и овие малечки да ги видиме „во акција“.