Покрај нив, единствените бодовни промени меѓу екипите од оваа генерација беа забележани кај YOUNG TEAM, од Струга, и FK PELISTER. Стружани ги освоија своите 25 AFT бодови на веќе споменатиот WBC CUP, а притоа освоија и бронзен медал.

FK PELISTER беше нешто помалку успешен и освои 10 бодови на истиот турнир, со што и овој клуб го подобри својот пласман на ранг-листата.

Значи, немаше многу промени во октомври, но можеби екипите се чуваа за постудените денови и зимските турнири.

ГЕНЕРАЦИЈА 2015.
Благодарение на тоа што екипата FC FORTUNA, од Скопје, освои 10 AFT бодови на турнирот WBC CUP, оваа генерација сега брои 31 екипа. Им посакуваме добредојде во AFT системот во оваа генерација и се надеваме дека наскоро ќе забележат уште подобри резултати.

Сепак, месецот октомври ѝ „припаѓа“ на екипата FK BOREC JUNIOR, од Велес, која со освојувањето на сребрениот медал на турнирот EUROSPORT CUP успеа да „освои“ и 70 AFT бодови, со што стана апсолутен шампион за месец октомври според овој критериум.

Вреди да се споменат и резултатите на екипите EVROFUDBAL, од Охрид, и FORCA, од Скопје, кои исто така освоија сребрени медали, но на два турнира во различни држави. FORCA мораше да патува до Хрватска за да ги освои своите 35 бодови, додека EVROFUDBAL го направи тоа на „домашен терен“, освојувајќи 35 AFT бодови на WBC CUP.

Ако погледнеме кои други екипи освојуваа AFT бодови во октомври, мора да ги споменеме и AF ALEXANDRO, од Скопје (30 бодови на EUROSPORT CUP), YOUNG TEAM, од Струга (20 бодови на WBC и EUROSPORT CUP), ULTRAS KIDS, од Струга (15 бодови на WBC CUP), како и EUROSPORT, од Куманово (10 бодови на WBC CUP).

ГЕНЕРАЦИЈА 2016.
Генерацијата 2016. го дочека крајот на октомври со 26 екипи на нашата ранг-листа. Три нови екипи го зазедоа своето место на табелата, а најуспешна меѓу нив беше екипата KF KORABI, од Дебар, која освои сребрен медал на WBC CUP – резултат што ѝ донесе и 35 AFT бодови.

Покрај неа, октомври беше дебитантски месец и за FC NEXT LEVEL, од Охрид, како и за FC NEXT 11, од Гостивар.

Двете екипи освоија по 10 бодови, но момците од Охрид ги „заработија“ на WBC CUP, додека екипата од Гостивар мораше да патува дури до Нови Пазар, каде што ги освои своите бодови на COERVER CUP.

Сепак, најуспешна екипа во октомври во оваа генерација беше ULTRAS KIDS, од Струга, која – покрај шампионскиот пехар и златниот медал – од WBC CUP „донесе“ и 50 AFT бодови. И AF ALEXANDRO, од Скопје, може да се пофали дека во октомври освои „сребро“ на WBC CUP, додавајќи така 35 AFT бодови на своето дотогашно салдо.

Уште две екипи освојуваа бодови во октомври, а тоа се YOUNG TEAM, од Струга (25 AFT бодови и трето место на WBC CUP), како и FER PLEJ, од Охрид – кој освои 10 бодови на истиот турнир.

ГЕНЕРАЦИЈА 2017.
Пред почетокот на ноември, генерацијата 2017. е најбројна во AFT системот. Овој месец дури девет екипи ги освоија своите први AFT бодови и се приклучија на нашата ранг-листа.

Така, вкупниот број екипи се зголеми на 35, а се надеваме дека ќе продолжи да расте. Новите екипи ги освојуваа своите бодови на два турнира: EUROSPORT CUP и WBC CUP.

FC MONDANO, од Скопје, дебитираше со 25 AFT бодови, кои ги освои со третото место на WBC CUP. KF KUMANOVA освои 20 бодови на EUROSPORT CUP, а ULTRAS KIDS, од Струга – 15 бодови на WBC CUP.

Покрај нив, уште шест дебитантски екипи: AS UNITED (Струга), FC FORTUNA (Скопје), SFK KUMANOVO, KF USKANA (Кичево), FK PERAK (Прилеп) и NEW STARS (Скопје) – освоија по 10 AFT бодови на еден од двата споменати турнира.

Шампион за месец октомври според бројот на освоени AFT бодови, секако, е YOUNG TEAM. Екипата од Струга победи на двата турнира што ги споменавме и така, покрај двата шампионски пехара, освои и 150 AFT бодови. Им честитаме од срце на момците!

FK FORCA, од Скопје, го освои второто место на EUROSPORT CUP и 70 AFT бодови, додека екипата од истиот град, AERODROM, заврши на третото место на тој турнир и освои 50 бодови.

На истиот турнир бодови освоија и FK AKADEMIJA PANDEV и AF ALEXANDRO (по 20 AFT бодови), како и AZZURI KIDS, од Радовиш, и EUROSPORT, од Куманово (по 10 бодови).

На крајот, ќе ја споменеме и екипата FK OSK FER PLEJ, од Охрид, која освои сребрен медал на WBC CUP и 35 AFT бодови.

ГЕНЕРАЦИЈА 2018.
Во оваа генерација, сите промени на нашата табела се резултат на добрите настапи на екипите на WBC CUP. Сега на табелата имаме 25 екипи, а за тоа се заслужни ULTRAS KIDS (кои освоија сребрен медал на WBC CUP и 35 бодови), KF USKANA (15 бодови на WBC CUP) и FK EVROFUDBAL, од Охрид, кој освои 10 AFT бодови на истиот турнир.

Од друга страна, YOUNG TEAM и FER PLEJ освоија по 10 бодови во октомври, додека FC MONDANO го освои „бронзениот“ медал и 25 бодови.

Значи, најмногу бодови во октомври освои екипата ULTRAS KIDS, со што стана најуспешна екипа за месецот, но и најуспешен дебитант.

ГЕНЕРАЦИЈА 2019.
Генерацијата на момчиња помлади од осум години, непосредно пред почетокот на ноември, има 24 екипи на нашата ранг-листа. Голем број екипи дебитираа токму во октомври, освојувајќи бодови на еден од двата турнира што го одбележаа овој месец.

Така, по 10 AFT бодови освоија FK SASA (Македонска Каменица), KF BESA GLOBAL (Гостивар), SFK KUMANOVO, FK KAREV (Скопје) и NEW STARS (Скопје) – сите на EUROSPORT CUP.

На истиот турнир по 20 AFT бодови освоија FC BASHKIMI (Куманово), FK VODNO (Скопје) и FK BOREC JUNIOR (Велес). Сите овие екипи дебитираа во октомври.

На WBC CUP, по 10 AFT бодови освоија FK USKANA (Кичево), FC MONDANO (Скопје) и FK EVROFUDBAL (Охрид). Петнаесет бодови освои екипата SPORT BROTHERS (Охрид). Последниот дебитант овој месец е екипата ULTRAS KIDS, која го освои третото место на овој турнир, како и 25 AFT бодови.

Најмногу AFT бодови во октомври освои GFK NEGOTINO (100 бодови), откако успеа да победи на EUROSPORT CUP. Втора најуспешна екипа беше YOUNG TEAM, која го освои второто место на WBC CUP и бронзениот медал на EUROSPORT CUP, што ѝ донесе вкупно 85 бодови.

Зад нив се најде FK EUROSPORT, од Куманово, на кој сребрениот медал од EUROSPORT CUP му донесе 70 бодови.

Бодови освојуваа и FK FORCA (20) и AF ALEXANDRO (30), па очигледно е дека, според бројот на екипи што дебитираа и освојуваа AFT бодови, оваа генерација беше најуспешна во октомври.

ГЕНЕРАЦИЈА 2020.
Оваа генерација и во октомври немаше екипи што освојуваа AFT бодови. Затоа ќе ги оставиме најмалите и понатаму безгрижно да си играат, а за бодовите ќе размислуваат во месеците и годините што доаѓаат.