YOUNG TEAM најуспешна по број на AFT бодови
Најмногу AFT бодови во вкупниот пласман на турнирот освои екипата YOUNG TEAM од Струга. Тие освоија една златна и една бронзена медала и во овие две генерации собраа дури 150 AFT бодови.

По нив, со по една освоена златна медала, следуваат италијанскиот S.S. LAZIO и македонскиот FK NEGOTINO од истоимениот град. Покрај нив, многу добро се покажаа и екипите на домаќините EUROSPORT (Куманово), BOREC JUNIOR (Велес) и FORCA (Скопје), кои освоија по едно сребрено одличје.

Пласманот на сите екипи, по генерации, можете да го следите на ОВОЈ ЛИНК.

Атмосфера и впечатоци
EUROSPORT CUP 2026 ги исполни сите очекувања. Малите фудбалери, нивните тренери и родители, како и сите гости на турнирот, си заминаа од Куманово и Скопје полни со убави впечатоци за организацијата, за домаќините и за атмосферата.

Присуството на екипи од повеќе држави му даде посебна драж на турнирот, а за младите фудбалери тоа беше прилика да се мерат со врсници од различни фудбалски школи и култури.

Играјќи, дружејќи се и стекнувајќи нови пријатели, тие го искористија секој миг. Многумина веќе се радуваат на следното издание и на повторниот пат кон Куманово.