На овој линк погледнете ги комплетните резултати од пролетното издание на „Фер Плеј Куп“ – кој триумфираше, а кој беше чекор до трофејот?

На овогодишниот турнир ќе настапуваат екипи распоредени во шест генерациски категории – од 2013 до 2018 година.

Натпреварувањето е организирано според следниот формат и систем на игра:
• Генерации 2013 и 2014: систем 8+1
• Генерации 2015, 2016, 2017 и 2018: систем 6+1

Сите натпревари ќе траат 2 × 15 минути, што гарантира динамична игра, многу темпо и возбудливи дуели на теренот.

Како дел од официјалниот АФТ календар на турнири во рангот Masters Tour, 15. „Фер Плеј Куп“ носи и дополнително натпреварувачко значење. Екипите и младите фудбалери, покрај борбата за престижните пехари и медали, ќе се борат и за вредни АФТ бодови кои директно влијаат на нивниот пласман на АФТ ранг-листи.

Пријавувањето за турнирот е отворено до 14 август, кога официјално се затвораат пријавите за учество.

Организаторите најавуваат одличен спортски амбиент, квалитетни натпревари и одлични услови на терените на СРЦ „Билјанини Извори“, а покрај фудбалот, учесниците ги очекува и незаборавно дружење на брегот на Охридското Езеро.

Со оглед на бројот и квалитетот на најавените учесници, 15. „Фер Плеј Куп“ и оваа година има потенцијал да донесе вистински меѓународен фудбалски спектакл во Охрид.